काठमाडौं- सोमबार नेपाली बजारमा सुनचाँदीको मूल्य वृद्धि भएको छ। आइतबारको तुलनामा सोमबार सुनको मूल्य प्रतितोला एक हजार रूपैयाँले बढेको छ भने चाँदीको प्रतितोला १५ रूपैयाँले उकालो लागेको छ।

यो साता आइतबार प्रतितोला एक लाख ६० हजार रूपैयाँमा कारोबार भएको सुनको मूल्य सोमबारका लागि प्रतितोला एक लाख ६१ हजार रूपैयाँ कायम रहेको नेपाल सुनचाँदी व्यवसायी महासंघले जनाएको छ।

चाँदी आज प्रतितोला एक हजार ९ सय २० रूपैयाँमा कारोबार भइरहेको छ।

आइतबार चाँदी प्रतितोला एक हजार ९ सय ५ रूपैयाँमा कारोबार भएको थियो।