काठमाडौं- नेपाली बजारमा यो साता बिहीबार पनि सुनको मूल्य प्रतितोला दुई हजार दुईसय रूपैयाँले घटेको छ।

बुधबार प्रतितोला एक लाख ६२ हजार दुईसय रूपैयाँमा कारोबार भएको सुनको मूल्य बिहीबार प्रतितोला एक लाख ६० हजार रूपैयाँ कायम रहेको नेपाल सुनचाँदी व्यवसायी महासंघले जनाएको छ।

यो साता लगातार ओरालो लागिरहरेको सुनको मूल्य बिहीबारसम्म तोलामै ६ हजार पाँचसय रूपैयाँले घटेको छ।

आइतबार प्रतितोला पाँचसय रूपैयाँले घटेको सुनको मूल्य सोमबार प्रतितोला एक हजार र मंगलबार एकैदिन प्रतितोला दुई हजार चारसय रूपैयाँको गिरावट आएको थियो भने बुधबार प्रतितोला चारसय रूपैयाँले घटेको थियो।

बुधबार प्रतितोला १५ रूपैयाँले बढेको चाँदीको मूल्य पनि बिहीबार प्रतितोला ३५ रूपैयाँले घटेको छ।

महासंघका अनुसार बिहीबार चाँदी प्रतितोला एक हजार ९ सय ५ रूपैयाँमा कारोबार भइरहेको छ।