काठमाडौं- बुधबार सुनको मूल्य प्रतितोला चारसय रूपैयाँले घट्दा चाँदीको मूल्य भने सामान्य बढेको छ।
मंगलबार प्रतितोला एक लाख ६२ हजार ६ सय रूपैयाँमा कारोबार भएको सुनको मूल्य बुधबारका लागि प्रतितोला एक लाख ६२ हजार दुईसय रूपैयाँ तोकिएको नेपाल सुनचाँदी व्यवसायी महासंघले जनाएको छ।
यो साता लगातार घटेको चाँदीको मूल्य भने बुधबार प्रतितोला १५ रूपैयाँले वृद्धि भएको छ।
महासंघका अनुसार बुधबार चाँदी प्रतितोला एक हजार ९ सय ४० रूपैयाँमा कारोबार भइरहेको छ।
मंगलबार चाँदी प्रतितोला एक हजार ९ सय २५ रूपैयाँमा कारोबार भएको थियो।
