काठमाडौं- मंगलबार नेपाली बजारमा सुनको मूल्य प्रतितोला दुई हजार ८ सय रूपैयाँले घटेको छ।
मंगलबारका लागि सुनको मूल्य प्रतितोला एक लाख ६८ हजार दुईसय रूपैयाँ तोकिएको छ।
यसअघि गएको साता बिहीबार सुन हालसम्मकै उच्च प्रतितोला एक लाख ७१ हजार रूपैयाँ पुगेको थियो। तिहारपछिको पहिलो कारोबारमा सुनको मूल्यमा भारी गिरावट आएको हो।
चाँदीको मूल्यमा पनि मंगलबार प्रतितोला ६० रूपैयाँले गिरावट आएको छ।
मंगलबार चाँदी प्रतितोला दुई हजार ३० रूपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ।
