प्रतितोला एक हजार पाँचसय रूपैयाँले बढेर हालसम्मकै महँगो भयो सुन

बिजनेस न्युज

मंगलबार, कात्तिक १३ २०८१

प्रतितोला एक हजार पाँचसय रूपैयाँले बढेर हालसम्मकै महँगो भयो सुन

मंगलबार प्रतितोला एक हजार पाँचसय रूपैयाँले बढेर सुनको मूल्यमा कीर्तिमान कायम हुँदा चाँदी प्रतितोला ४० रूपैयाँले महँगिएको छ।

काठमाडौं- नेपाली बजारमा सुनको मूल्य तोलाकै एक लाख ६८ हजार पाँचसय रूपैयाँ पुगेको छ।

यो साता आइतबार कीर्तिमानी बिन्दुमा पुगेर सोमबार घटेको सुनको मूल्य मंगलबार पुन: उकालो लाग्दै हालसम्मकै महँगो भएको छ। मंगलबार सुनको मूल्य प्रतितोला एक हजार पाँचसय रूपैयाँले बढेको हो।

यसअघि आइतबार प्रतितोला एक हजार चारसय रूपैयाँले वृद्धि हुँदै सुन हालसम्मकै उच्च प्रतितोला एक लाख ६७ हजार चारसय रूपैयाँ पुगेको थियो। सोमबार भने प्रतितोला चारसय रूपैयाँले घटेर प्रतितोला एक लाख ६७ हजार रूपैयाँमा कारोबार भएको सुनको मूल्य मंगलबार पुन: बढेर कीर्तिमानी बिन्दुमा पुगेको हो।