.jpg)
.gif)
.gif)
काठमाडौं- काठमाडौं-तराई द्रुतमार्ग (फाष्टट्रयाक) को विचाराधीन मुद्दा जिताइदिने लोभ देखाएर १ करोड २८ लाख रुपैयाँ ठगी गरेको आरोपमा प्रहरीले एकजनालाई पक्राउ गरेको छ।
ललितपुरको भैँसेपाटी बस्ने वर्ष ४५ का रवीन्द्र महर्जनलाई काठमाडौंको बुद्धनगरबाट सोमबार पक्राउ गरेको काठमाडौं उपत्यका अपराध अनुसन्धान कार्यालयका सूचना अधिकारी, प्रहरी उपरीक्षक काजीकुमार आचार्यले जानकारी दिए।
.gif)
आचार्यका अनुसार आरोपितले उजुरीकर्तासँग भेटघाट गरी काठमाडौं-निजगढ द्रुतमार्गको टेण्डरमा सहभागी हुने क्रममा भएको निर्णयउपर सम्मानित उच्च अदालतमा विचाराधीन रहेको मुद्दा जिताइदिन्छु भन्दै रकम मागेको र रकम नदिएमा मुद्दा हराइ दिने धम्की दिइ १ करोड २८ लाख रुपैयाँ लिएर फरार भएका थिए।
.gif)
.jpg)
'कार्यालयमा जाहेरी परेपछि काठमाडौं जिल्ला अदालतबाट यही ६ गते पक्राउ अनुमति जारी भएको थियो। खोजतलास गर्ने क्रममा प्रहरी टोलीले आज दिउँसो १ बजे पक्राउ गरेको हो' उनले भने।
