काठमाडौं- सरकारले कोभिड-१९ को संक्रमण बढ्दै गएको भन्दै माघ १५ गतेसम्म सिनेमा हल, डान्स बार, दोहोरी, नाचघर, क्लब, हेल्थ क्लब, जिमखाना, स्वीमिङ पुल, फुटसल र पटके हाटबजार बन्द गर्ने निर्णय गरेको छ।
शुक्रबार बसेको मन्त्रिपरिषद् बैठकले यस्तो निर्णय गरेको सञ्चारमन्त्री ज्ञानेन्द्रबहादुर कार्कीले जानकारी दिए।
यस्तै सबै प्रकारका आमसभा जुलुस सभा भेला वा धेरै मानिस भेला हुने क्रियाकलाप माघ मसान्तसम्म नगर्ने, गोष्ठी सेमिनार बैठक जस्ता क्रियाकलापहरू सञ्चालन गर्दा भर्चुअल माध्यमबाट गर्ने भौतिक रूपमा उपस्थित भइ गर्नुपर्ने भए जनस्वास्थ्य मापदण्ड पूरा गरी एन्टिजेन परीक्षण गरेर रिपोर्ट नेगेटिभ आएमा बढीमा २५ जना हुनेगरि सञ्चालन गर्ने साथै त्यस्ता क्रियाकलाप सञ्चालन गर्दा खोपको पूरा मात्रा लगाएका व्यक्तिमात्र उपस्थित हुनुपर्ने निर्णयसमेत गरेको छ।
