काठमाडौं- बिहीबार नेपाली बजारमा सुनचाँदीको मूल्य सामान्य वृद्धि भएको छ। बुधबार प्रतितोला ८ सय रूपैयाँले बढेको सुनको मूल्य बिहीबार प्रतितोला एकसय रूपैयाँले बढेको छ।

बुधबार प्रतितोला एक लाख ६० हजार ८ सय रूपैयाँ तोकिएको सुनको मूल्य बिहीबार प्रतितोला एक लाख ६० हजार ९ सय रूपैयाँ पुगेको नेपाल सुनचाँदी व्यवसायी महासंघले जनाएको छ। 

यो साता आइतबार ६ सय र सोमबार एकसय रूपैयाँले घटेको सुनको मूल्य मंगलबार प्रतितोला पाँचसयले घटेको थियो।

चाँदीको मूल्य आज प्रतितोला १५ रूपैयाँले वृद्धि हुँदै प्रतितोला एक हजार ९ सय ५० रूपैयाँ पुगेको छ।

बुधबार प्रतितोला १० रूपैयाँले बढेको चाँदी प्रतितोला एक हजार ९ सय ३५ रूपैयाँमा कारोबार भएको थियो।