काठमाडौं- अघिल्लो साताभर बढेर यो साता लगातार घटेको सुनको मूल्य बुधबार भने पुन: उकालो लागेको छ। 

बुधबार सुनको मूल्य प्रतितोला ८ सय रूपैयाँले बढेर प्रतितोला एक लाख ६० हजार ८ सय रूपैयाँ पुगेको छ।

यो साता आइतबार ६ सय र सोमबार एकसय रूपैयाँले घटेको सुनको मूल्य मंगलबार प्रतितोला पाँचसयले घटेको थियो।

मंगलबार सुन प्रतितोला एक लाख ६० हजार रूपैयाँमा कारोबार भएको थियो।

चाँदीको मूल्य पनि मंगलबारको तुलनामा प्रतितोला १० रूपैयाँले वृद्धि भएको छ।

मंगलबार प्रतितोला एक हजार ९ सय २५ रूपैयाँ मूल्य तोकिएको चाँदी बुधबार प्रतितोला एक हजार ९ सय ३५ रूपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ।