काठमाडौं- लगातार उकालो लागेको सुनको मूल्य आज शुक्रबार पनि वृद्धि भएको छ। तोलामा पाँच सय रुपैयाँले वृद्धि हुँदा सुन नेपाली बजारमा हालसम्मकै महँगो भएको छ।
अन्तर्राष्ट्रिय बजारमा भएको वृद्धिको प्रभाव स्थानीय बजारमा पर्दा सुनको मूल्यमा नयाँ कीर्तिमान कायम भएको हो।
नेपाल सुनचाँदी व्यवसायी महासंघका अनुसार बिहीबार प्रतितोला १ लाख ६० हजार ७ सय रुपैयाँमा कारोबार भएको छापावाला सुन आज शुक्रबारका लागि १ लाख ६१ हजार २ सय रुपैयाँ निर्धारण भएको छ।
शुक्रबार चाँदीको मूल्यमा भने कुनै परिवर्तन भएको छैन। महासंघले चाँदीमा प्रतितोला १ हजार ९ सय ५५ रुपैयाँ मूल्य निर्धारण भएको जनाएको छ।
