काठमाडौं- एनएमबि बैंकले पेरिस प्याराओलम्पिक खेलकुदमा नेपाललाई पहिलो कास्य पदक दिलाउन सफल प्यारातेक्वान्दो खेलाडी पलेसा गोवर्धनलाई सम्मान गरेको छ।

उनको अभुतपूर्व उपलब्धिको सम्मानमा बैंकले गोवर्धनलाई नगद पुरस्कार ५ लाख १ हजार रूपैयाँ र उनका प्रशिक्षक कविराज नेगी लामालाई १ लाख १ हजार रूपैयाँ प्रदान गरेको हो।

पलेसाको प्रतिनिधित्व गरी उनको अभिभावकले उक्त नगद ग्रहण गरेको बैंकले जनाएको छ।

पलेसाको उपलब्धि र नेपालमा खेलकुदको भावनाको सम्मान गर्दै एनएमबि बैंकको विशेष समारोहमा गोवर्धन र उनका प्रशिक्षकलाई सम्मानस्वरुप नगद हस्तान्तरण गरिएको बैंकले जनाएको छ।

एनएमबि बैंकले हाल देशभर रहेका आफ्ना २ सय १ शाखाहरु, १ सय ८७ एटीएमहरु र ११ एक्सटेन्सन काउन्टरमार्फत उच्चस्तरीय सेवा प्रदान गर्दै आइरहेको जनाएको छ।