काठमाडौं- आइतबार सुनको मूल्य प्रतितोला एक हजार सातसय रूपैयाँले उकालो लाग्दै कीर्तिमानी बिन्दुमा पुगेको छ।
आइतबारका लागि सुनको मूल्य प्रतितोला एक लाख ५८ हजार ८ सय रूपैयाँ तोकिएको छ, जुन हालसम्मकै उच्च हो।
यसअघि गएको सोमबार सुन हालसम्मकै उच्च प्रतितोला एक लाख ५७ हजार ३ सय रूपैयाँ पुगेको थियो।
अन्तर्राष्ट्रिय बजारमा सुनको मूल्यले नयाँ रेकर्ड बनाइरहेकाले त्यसको प्रभाव नेपाली बजारमा पनि देखिएको हो।
गएको शुक्रबारको तुलनामा चाँदीको मूल्य पनि आइतबार प्रतितोला पाँच रूपैयाँले वृद्धि भएको छ।
आइतबार चाँदी प्रतितोला एक हजार ९ सय २० रूपैयाँमा कारोबार भइरहेको छ।
