काठमाडौं- बीवाईडीको नेपालका लाथि आधिकारिक बिक्रेता साइमेक्स इंकले पारा ओलम्पियन पलेसा गोवर्धनलाई डल्फिन उपहार दिएको छ।
साइकेक्स इंकले हालै सम्पन्न पारा ओलम्पिकमा काँस्य पदक विजेता पलेसा गोवर्धनलाई डल्फिन कार उपहार दिएको हो।
साइमेक्सले बिहीबार साँझ पलेसालाई बीवाईडी डल्फिन विद्युतीय कार हस्तान्त्रण गरेको थियो। पारा ओलम्पिकमा पहिलोपटक नेपाललाई पदक दिलाएकी उनलाई डल्फिन उपहारस्वरुप दिइएको साइमेक्सको भनाइ छ।
.jpg)
तेक्वान्दो खेलमा पारा ओलम्पिकमा पहिलो पटक नेपाललाई पदक दिलाउन सफल पलेसालाई साइमेक्स इंकले ४१ लाख १५ हजार रुपैयाँ मूल्य पर्ने डल्फिन दिएको हो। खेलाडीलाई हौसला मिलोस र उनीहरुलाई मेहनत गरेर थप पदक जित्न उत्प्रेरित गरोस भनेर यस्तो इनिसिएसन लिएको साइमेक्सले जनाएको छ।
कार्यक्रममा साइमेक्स इंकका अध्यक्ष अनिल श्रेष्ठ, एमडी यमुना श्रेष्ठ र सीईओ साहिस श्रेष्ठलगायतको उपस्थिति थियो।
