काठमाडौं- नेपाली बजारमा सुनचाँदीको मूल्य लगातार तेस्रोदिन ओरालो लागेको छ। यो साता आइतबार र सोमबार उच्च मूल्यमा कारोबार भएको सुनको मूल्यमा मंगलबारयता निरन्तर गिरावट आएको हो। 

मंगलबार र बुधबार दुईदिनमा ९ सय रूपैयाँले घटेको सुनको मूल्य बिहीबार तोलामा ८ सय रूपैयाँले घटेर प्रतितोला एक लाख ५५ हजार ६ सय रूपैयाँ कायम भएको नेपाल सुनचाँदी व्यवसायी महासंघले जनाएको छ।

बुधबार सुन तोलामा तीनसय रूपैयाँले घटेर प्रतितोला एक लाख ५६ हजार चारसय रूपैयाँमा कारोबार भएको थियो।

चाँदीको मूल्य पनि केही दिनयता लगातार ओरालो लागिरहेको छ। बुधबारको तुलनामा बिहीबार प्रतितोला १० रूपैयाँले घटेर चाँदीको मूल्य प्रतितोला एक हजार ८ सय ८० रूपैयाँ कायम भएको छ।

 बुधबार चाँदी प्रतितोला १५ रूपैयाँले घटेर प्रतितोला एक हजार ८ सय ९० रूपैयाँमा कारोबार भएको थियो।