काठमाडौं- नेपालमा सिट्रोन ब्रान्डको आधिकारिक वितरक सांग्रिला मोटर्स प्राइभेट लिमिटेडले सिट्रोन सीथ्री (आईसीई इन्जिन) र सिट्रोन ईसीथ्री दुवैमा 'फेस्टिभ अफर' ल्याएको छ।
चाडपर्वहरु नजिकिँदै गर्दा सिट्रोनले आफ्ना ग्राहकहरूलाई अझ सन्तोषजनक र आरामदायी अनुभव प्राप्त गराउने उद्देश्य राखेको फेस्टिभ अफर ल्याइएको जनाएको छ।
अफरअन्तर्गत सिट्रोन सीथ्रीमा ग्राहकले चार वर्षका लागि निःशुल्क इन्धन र मर्मतसम्भार, एक वर्षका लागि नि:शुल्क व्यापक बीमा र नि:शुल्क सडक करको सुविधा प्राप्त गर्न सक्नेछन्। मात्र ७.४ लाख डाउन पेमेन्टमा सिट्रोनको आनन्द लिन सक्ने कम्पनीले जनाएको छ।
यस्तै इको-फ्रेण्डली सिट्रोन ईसीथ्री साइन रोज्ने ग्राहकले विशेष चाडपर्व छुट, नि:शुल्क व्यापक बीमा र एक वर्षका लागि नि:शुल्क सडक करको सुविधा प्राप्त गर्न सक्नेछन्।
प्रि-बजेट मूल्य ३५.९९ लाखमा उपलब्ध सिट्रोन ईसीथ्री साइनले उत्साहजनक ड्राइभिङ अनुभव प्रदान गर्ने कम्पनीको भनाइ छ।
