काठमाडौं- आइतबार नेपाली बजारमा सुनचाँदीको मूल्यमा गिरावट आएको छ।

गएको शुक्रबार एक हजार तीनसय रूपैयाँले बढेर कीर्तिमानी बिन्दुमा पुगेको सुनको मूल्य यो साता आइतबार प्रतितोला एक हजार दुईसय रूपैयाँले घटेर प्रतितोला एक लाख ५२ हजार एकसय रूपैयाँ कायम भएको छ।

शुक्रबार सुन हालसम्मकै उच्च प्रतितोला एक लाख ५३ हजार तीनसय रूपैयाँमा कारोबार भएको थियो।

गएको शुक्रबारको तुलनामा आइतबार चाँदीको मूल्य पनि प्रतितोला ४५ रूपैयाँले घटेको छ। 

आइतबार चाँदी प्रतितोला एक हजार ७ सय ५० रूपैयाँमा कारोबार भइरहेको छ।