काठमाडौं- सुनको मूल्य नेपाली बजारमा बुधबार पनि स्थिर रहेको छ। यो साता आइतबार र सोमबार लगातार घटेको सुनको मूल्यमा मंगलबार र बुधबार घटबढ नभएको नेपाल सुनचाँदी व्यवसायी महासंघले जनाएको छ।

महासंघका अनुसार बुधबारका लागि सुनको मूल्य प्रतितोला एक लाख ५२ हजार रूपैयाँ तोकिएको छ। यो साता सोमबार र मंगलबार पनि सुन सोही मूल्यमा कारोबार भएको थियो। 

यो साता आइतबार सुनको मूल्य प्रतितोला ६ सय र सोमबार प्रतितोला तीनसय रूपैयाँले घटेको थियो।

आइतबार र सोमबार सामान्य घटेर मंगलबार स्थिर रहेको चाँदीको मूल्य भने बुधबार पुन: ओरालो लागेको छ। 

बुधबार चाँदी तोलामा २० रूपैयाँले घटेर प्रतितोला एक हजार ७ सय ५५ रूपैयाँमा कारोबार भइरहेको छ।