काठमाडौं- सन् २०२४ को आठ महिनामा विदेशी पर्यटक आगमन १६ दशमलव ५१ प्रतिशतले बढेको छ। नेपाल पर्यटन बोर्डले दिएको जानकारीअनुसार यस वर्षको अगष्टसम्म ७ लाख २० हजार ३ सय ३४ विदेशी पर्यटक नेपाल आएका छन्।
जब कि गतवर्ष सन् २०२३ को सोही अवधिमा ६ लाख १ हजार ३ सय ६० पर्यटक नेपाल आएका थिए। यस वर्षको जनवरीमा ७९ हजार एक सय, फेब्रुअरीमा ९७ हजार चार सय २६, मार्चमा एक लाख २८ हजार एकसय ६७, अप्रिलमा एक लाख ११ हजार तीन सय ७६, मेमा ९० हजार दुई सय ११ पर्यटक नेपाल आएका थिए।
साथै जुनमा ७६ हजार सात सय ३६ र जुलाईमा ६४ हजार पाँच सय ९९ पर्यटनले नेपाल भ्रमण गरेका छन्। अगष्टमा भने ७२ हजार ७ स १९ जना पर्यटक नेपाल भ्रमणमा आएका छन्।
.jpg)
अगष्टमा सबैभन्दा बढी भारतबाट २५ हजार ८ सय ३२, चीनबाट ६ हजार ६ सय १४, अमेरिकाबाट ५ हजार ६ सय १४, श्रीलंकाबाट ४ हजार ८ सय ५१, बेलायतबाट २ हजार ७ सय ६४ र बंगलादेशबाट तीन हजार ७७ विदेशी पर्यटक नेपाल आएका छन्।
