काठमाडौं- नेपाली बजारमा आइतबार सुनचाँदीको मूल्यमा गिरावट आएको छ।

गएको शुक्रबारको तुलनामा सुनको मूल्य प्रतितोला ६ सय रूपैयाँले घटेको नेपाल सुनचाँदी व्यवसायी महासंघले जनाएको छ।

महासंघका अनुसार आइतबारका लागि सुनको मूल्य प्रतितोला एक लाख ५२ हजार ३ सय रूपैयाँ तोकिएको छ।

शुक्रबारको तुलनामा आइतबार चाँदीको मूल्य पनि प्रतितोला २५ रूपैयाँले घटेको छ।

चाँदी आज प्रतितोला एक हजार ७ सय ९५ रूपैयाँमा कारोबार भइरहेको छ।