काठमाडौं- यो साता लगातार उच्च अंकले घटेको सेयर बजार बुधबार सम्हालिएको छ।
बुधबार सेयर बजार ३.८० अंकले बढेर २७८६.४० बिन्दुमा पुग्दा १३ अर्ब ७२ करोड रूपैयाँको कारोबार भएको छ।
बुधबार हाइड्रो, बैंक समूह भने उच्च अंकले बढेको छ। सोही कारण पनि बुधबार बजार सम्हालिएको हो।
मंगलबार १११.९६ अंकले घटेर २७८२.६० बिन्दुमा आइपुगेको थियो। २ सय २३ कम्पनीको सेयर मूल्य घटेको बजारमा करिब १८ अर्ब ६५ करोड रूपैयाँ बराबरको कारोबार भएको थियो।
मंगलबार नेप्सेमा उच्च अंकको गिरावटसँगै अधिकांश कम्पनीको सेयर मूल्य पनि घटेको थियो।
यो साताको पहिलो दिन आइतबार नेप्से ७९.८८ अंकले घटेको थियो।
