काठमाडौं- सेयर बजार मंगलबार १११.९६ अंकले घटेर २७८२.६० बिन्दुमा आइपुगेको छ।

२ सय २३ कम्पनीको सेयर मूल्य घटेको बजारमा करिब १८ अर्ब ६५ करोड रूपैयाँ बराबरको कारोबार भएको छ।

मंगलबार नेप्सेमा उच्च अंकको गिरावटसँगै अधिकांश कम्पनीको सेयर मूल्य पनि घटेको छ। कुल २ सय ४५ कम्पनीको कारोबार भएकोमा २० कम्पनीको सेयर मूल्य बढेको छ भने एक कम्पनीको स्थिर रहेको छ।

तारागाउँ रेजेन्सी, आत्मनिर्भर लघुवित्त वित्तीय संस्था र डोटी पावर कम्पनीको सेयरमा भने सकारात्मक सर्किट ब्रेक लागेको छ।

यो साताको पहिलो दिन आइतबार नेप्से ७९.८८ अंकले घटेको थियो।