काठमाडौं- सोमबार नेपाली बजारमा सुनचाँदीको मूल्यमा सामान्य गिरावट आएको छ।

आइतबार प्रतितोला एक हजार रूपैयाँले बढेको सुनको मूल्य सोमबार तोलामा एकसय रूपैयाँले घटेर प्रतितोला एक लाख ५२ हजार तीनसय रूपैयाँ कायम भएको नेपाल सुनचाँदी व्यवसायी महासंघले जनाएको छ।

आइतबार सुन प्रतितोला एक लाख ५२ हजार चारसय रूपैयाँमा कारोबार भएको थियो।

चाँदीको मूल्य पनि सोमबार प्रतितोला १० रूपैयाँले घटेको छ।

महासंघका अनुसार आइतबार प्रतितोला एक हजार ८ सय ५० रूपैयाँमा कारोबार भएको चाँदीको मूल्य सोमबारका लागि प्रतितोला एक हजार ८ सय ४० रूपैयाँ निर्धारण गरिएको छ।