काठमाडौं- बुधबार उच्च मूल्यमा कारोबार भएको सुनको मूल्य बिहीबार प्रतितोला एक हजार एकसय रूपैयाँले घटेको छ।
बिहीबारका लागि सुनको मूल्य प्रतितोला एक लाख ५१ हजार ९ सय रूपैयाँ निर्धारण गरिएको छ।
बुधबार सुनको मूल्य तोलामा ८ सय रूपैयाँले बढेर हालसम्मकै उच्च प्रतितोला एक लाख ५३ हजार रूपैयाँमा कारोबार भएको थियो। यो साता आइतबार पनि उच्च बिन्दुमा पुगेको सुनको मूल्य सोमबार र मंगलबार भने घटेको थियो।
बुधबारको तुलनामा चाँदीको मूल्य पनि बिहीबार प्रतितोला पाँच रूपैयाँले घटेको छ।
बिहीबार चाँदी प्रतितोला एक हजार ८ सय ३० रूपैयाँमा कारोबार भइरहेको छ।
