काठमाडौं- हाइड्रोइलेक्ट्रिसिटी इन्भेष्टमेन्ट एण्ड डेभलपमेन्ट कम्पनी लिमिटेड (एचआईडीसीएल) को नाफा बढेको छ।
गतवर्षको वित्तीय विवरणअनुसार कम्पनीले १ अर्ब ४५ करोड ३१ लाख रुपैयाँ खुद नाफा कमाएको छ। यो अघिल्लो आर्थिक वर्षको सोही अवधिको तुलनामा ५.६७ प्रतिशत बढी हो। अघिल्लो आर्थिक वर्षको सोही अवधिसम्ममा कम्पनीले १ अर्ब ३७ करोड ५२ लाख रुपैयाँ खुद नाफा कमाएको थियो।
नाफासँगै कम्पनीको प्रतिसेयर आम्दानीमा पनि झिनो सुधार भएको छ। समीक्षा अवधिमा कम्पनीको यस्तो आम्दानी ३१ पैसा बढेर ६ रुपैयाँ ३५ पैसा पुगेको छ।
समीक्षा अवधिमा कम्पनीको वित्तीय आम्दानी ३.०४ प्रतिशतले घटेर २ अर्ब ८ करोड ५८ लाख रुपैयाँमा कायम भएको छ भने लाभांश आम्दानी १९.३७ प्रतिशतले घटेर १ करोड ७ लाखमा सीमित भएको छ।
समीक्षा अवधिमा कम्पनीको ग्राहकसँगको सम्झौता आम्दानी ३९४.४१ प्रतिशत बढेर ४ करोड ९८ लाख रुपैयाँ पुगेको छ। कम्पनीको अन्य आम्दानी भने समीक्षा अवधिमा १ लाख ९१ हजार रुपैयाँबाट बढेर १ करोड ९३ लाख रुपैयाँ पुगेको छ।
असार मसान्तसम्ममा कम्पनीको प्रतिसेयर नेटवर्थ ११३ रुपैयाँ ९५ पैसा रहेको छ भने मूल्य आम्दानी अनुपात २८.१८ गुणा रहेको छ। कम्पनीको चुक्ता पुँजी २२ अर्ब ८७ करोड ३९ लाख रुपैयाँ रहेको छ भने जगेडा कोषमा ३ अर्ब १९ करोड १८ लाख रुपैयाँ सञ्चित छ।
