काठमाडौं- नुवाकोटको शिवपुरी गाउँपालिका वडा नम्बर ७ सूइरेचौरमा हेलिकोप्टर दुर्घटना हुँदा पाँच जनाको मृत्यु भएको प्रहरीले जानकारी दिएको छ।
काठमाडौंबाट रसुवाको स्याफ्रुबेसी उडानमा सम्पर्कविहीन भएको एयर डाइनेस्टीको ९ एन-एजेडी हेलिकोप्टर दुर्घटनामा परेको पुष्टि भएको हो। हेलिकोप्टरमा पाइलट अरुण मल्लसहित चिनियाँ यात्रुहरू जुदाड टाङ, जी ली, यियाद वु र जेमिङ सी सवार थिए।
हेलिकोप्टर १ बजेर ५४ मिनेटमा काठमाडौंबाट उडेको थियो। सूइरेचौर क्षेत्रमा आगो बलेको र धुँवा देखिएपछि स्थानीयले हेलिकोप्टर दुर्घटना भएको हुनसक्ने आशंका गरी प्रहरीलाई खबर गरेका थिए।
'हेलिकोप्टर उडान गरेको तीन मिनेटपछि काठमाडौं टावरसँग सम्पर्कविच्छेद भइ शिवपुरी गाउँपालिका-७ सूइरेचौर भन्ने स्थानमा दुर्घटनामा परेको पुष्टि भएको छ। दुर्घटनाको खबर प्राप्त हुनासाथ उद्धार कार्यका लागि प्रभु हेलिकोप्टर कम्पनीको नाइन एन-एएनएल हेलिकोप्टर दुर्घटनास्थलतर्फ प्रस्थान गरिसकेको छ' नेपाल नागरिक उड्डयन प्राधिकरणले जनाएको छ।
१६ महिनाअगाडि ह्याम्स अस्पतालमा अवतरणका क्रममा दुर्घटनाबाट जोगिएको हेलिकोप्टर नुवाकोटमा दुर्घटना
