काठमाडौं- बुधबार सुनको मूल्य प्रतितोला एक हजार चारसय रूपैयाँले घटेको छ।
सोमबार हालसम्मकै उच्च बिन्दुमा पुगेर मंगलबार एकैदिन प्रतितोला दुई हजार तीनसय रूपैयाँले घटेको सुनको मूल्यमा बुधबार पनि गिरावट आएको हो। बुधबारका लागि सुनको मूल्य प्रतितोला एक लाख ४६ हजार तीनसय रूपैयाँ तोकिएको छ।
मंगलबार सुनको मूल्य प्रतितोला एक लाख ४७ हजार सातसय रूपैयाँ कायम थियो।
सोमबार सुन प्रतितोला तीनसय रूपैयाँले बढेर हालसम्मकै उच्च प्रतितोला एक लाख ५० हजार रूपैयाँमा कारोबार भएको थियो। यो साता आइतबार भने सुनको मूल्य तोलामा दुईसयले घटेको थियो।
चाँदीको मूल्यमा पनि यो साता लगातार गिरावट आएको छ।
आइतबार तोलामा १० रूपैयाँले घटेर सोमबार स्थिर रहेको चाँदीको मूल्य मंगलबार प्रतितोला ६० रूपैयाँले घटेको थियो। बुधबार पुन: नेपाली बजारमा प्रतितोला १५ रूपैयाँले चाँदी सस्तिएको छ।
बुधबार चाँदी प्रतितोला एक हजार सातसय १० रूपैयाँमा कारोबार भइरहेको छ।
