काठमाडौं- एभरेष्ट बैंकको खुद नाफा अघिल्लो आर्थिक वर्षको तुलनामा १०.११ प्रतिशतले बढेको छ। गत आर्थिक वर्ष यस बैंकले ३ अर्ब ७० करोड खुद नाफा गर्न सफल भएको छ। अघिल्लो आर्थिक वर्ष यस बैंकले ३ अर्ब ३६ करोड खुद नाफा गरेको थियो।
गत आर्थिक वर्ष यस बैंकको वितरणयोग्य नाफा ३ अर्ब ५१ करोड रुपैयाँ रहेको छ। यस बैंकले लगानीकर्तालाई २९.९ प्रतिशतको हाराहारीमा लाभांश वितरण गर्ने क्षमता रहेको छ।
गत आर्थिक वर्ष यस बैंकको खराब कर्जा ०.०८ प्रतिशत आधार बिन्दुले मात्रै बढेको छ। अघिल्लो वर्ष ०.७१ प्रतिशत रहेको खराब कर्जा यस बैंकको गत वर्ष बढेर ०.७९ प्रतिशत कायम भएको छ।
यस बैंकको खुद ब्याज आम्दानी अघिल्लो वर्षको तुलनमा बढेको छ। अघिल्लो वर्ष ७ अर्ब ४१ करोड रुपैयाँ रहेको खुद ब्याज आम्दानी गत वर्ष ७ अर्ब ७० करोड रुपैयाँ कायम भएको छ। गत वर्ष ७७ करोड रहेको बैंकको इम्पियरमेन्ट चार्ज यस वर्ष घटेर २८ करोड कायम भएको छ।
