काठमाडौं- सुनको मूल्य साताको दोस्रो दिन पनि उकालो लागेको छ। आइतबार तोलामा एक हजार रूपैयाँले बढेको सुनको मूल्य सोमबार प्रतितोला चारसय रूपैयाँले बढेको हो।

आइतबार प्रतितोला एक लाख ४५ हजार सातसय रूपैयाँमा कारोबार भएको सुनको मूल्य सोमबार प्रतितोला एक लाख ४६ हजार एकसय रूपैयाँ पुगेको छ। आज तेजाबी सुन प्रतितोला एक लाख ४५ हजार चारसय रूपैयाँमा कारोबार भइरहेको छ।

आइतबार तोलामा १० रूपैयाँले बढेको चाँदी सोमबार पनि प्रतितोला १० रूपैयाँले महँगिएको छ। 

चाँदी आज प्रतितोला एक हजार ७ सय ५० रूपैयाँमा कारोबार भइरहेको छ।

आइतबार नेपाली बजारमा चाँदी प्रतितोला एक हजार ७ सय ४० रूपैयाँमा कारोबार भएको थियो।