.gif)
काठमाडौं- राष्ट्र बैंकले सार्वजनिक गरेको चालु आवको मौद्रिक नीतिमा परिस्थितिजन्य कारणले उद्योग व्यवसाय बन्द रहेतापनि कर्जाको साँवाब्याज भुक्तानी नियमित गर्ने उद्योग व्यवसायलाई कर्जा वर्गीकरण र जोखिम व्यवस्थाको लागि आवश्यक सहजीकरण गरिने विषय उल्लेख गरेको छ।
35(1).gif)
गत आर्थिक वर्ष २०८०/०८१ को मौद्रिक नीतिको तेस्रो त्रैमासिक समीक्षाको तयारीसँगै उद्योगी व्यवसायीले कोभिड १९ र अर्थतन्त्रमा आएको शिथिलताका कारण उत्पादन बन्द गरी सञ्चालनमा नरहेका उद्योगका उद्योगीहरूले राष्ट्र बैंकसमक्ष कर्जा नियमित भुक्तानीको व्यवस्था मिलाइदिन आग्रह गरेका थिए।
व्यवसायी सुझावलाई मध्यनजर राख्दै राष्ट्र बैंकले चालु आव २०८१/०८२ को मौद्रिक नीति उक्त व्यवस्था सम्बोधन गरेको छ।
अर्थतन्त्रमा आएको समस्याले उद्योग बन्द गर्नुपर्ने अवस्था आए पनि पूरै साँवाब्याज एकैपटक नतिरी नियमितरुपमा कर्जा भुक्तानी गर्ने आधार बनाइदिन उनीहरूले राष्ट्र बैंकसमक्ष आग्रह गरेका थिए।
