काठमाडौं- राष्ट्र बैंकले आर्थिक वर्ष २०८१/८२ को मौद्रिक नीतिमार्फत नीतिगत दर घटाएको छ।
सजगतापूर्वक लचिलो मौद्रिक नीतिलाई निरन्तरता दिन राष्ट्र बैंकले हाल कायम रहेको नीतिगत दर ०.५ प्रतिशतले घटाउँदै ५ प्रतिशत कायम गरेको छ।
यस्तै बैंक दरलाई राष्ट्र बैंकले घटाउँदै ६.५ प्रतिशत कायम गरेको छ भने निक्षेप संकलन दर ३ प्रतिशतमा यथावत राखेको छ। यस्तै मौद्रिक नीतिमार्फत कर्जा विस्तारको लक्ष्य १२.५ प्रतिशत कायम गरेको छ।
गभर्नर महाप्रसाद अधिकारीले आर्थिक वर्ष २०८१/८२ को मौद्रिक नीति सार्वजनिक गरेका छन्। विश्वका केन्द्रीय बैंकहरुले नीतिगत दरहरुलाई उच्च नै राखेका छन्।
कर्जा विस्तार न्यून रहेको र ब्याजदर घट्दो रहेको राष्ट्र बैंकका गभर्नरले बताएका छन्। मुद्रास्फीति दर घट्दो अवस्थामा रहेको मुलुकको बाह्य स्थिति सहज रहेको गभर्नर अधिकारीले बताएका छन्।
