काठमाडौं- बिहीबार सुनको मूल्यमा भारी गिरावट आएको छ। बुधबार प्रतितोला एक हजार एकसय रूपैयाँले बढेको सुनको मूल्य बिहीबार एकैदिन प्रतितोला दुई हजार चारसय रूपैयाँले घटेको हो।

बिहीबारका लागि छापावाल सुनको मूल्य प्रतितोला एक लाख ४५ हजार रूपैयाँ तोकिएको छ भने तेजाबी सुनको मूल्य प्रतितोला एक लाख ४४ हजार तीनसय रूपैयाँ कायम रहेको नेपाल सुनचाँदी व्यवसायी महासंघले जनाएको छ।

यो साता आइतबार तोलामा १३ सय रूपैयाँले घटेर सोमबार एकसय रूपैयाँले बढेको सुनको मूल्य मंगलबार स्थिर रहेको थियो। बुधबार पुन: तोलामा ११ सय रूपैयाँले बढेर सुनको मूल्य प्रतितोला एक लाख ४७ हजार ४ सय रूपैयाँ पुगेको थियो।

बिहीबार चाँदीको मूल्य पनि प्रतितोला ५५ रूपैयाँले घटेको नेपाल सुनचाँदी व्यवसायी महासंघले जनाएको छ।

महासंघका अनुसार बिहीबार चाँदी प्रतितोला एक हजार ७ सय ५० रूपैयाँमा कारोबार भइरहेको छ।