सुनचाँदीको मूल्य स्थिर

बिजनेस न्युज

मंगलबार, साउन ८ २०८१

आइतबार एकैदिन प्रतितोला १३ सय रूपैयाँले घटेर सोमबार एकसय रूपैयाँले बढेको सुनको मूल्य मंगलबार भने स्थिर रहेको छ।

काठमाडौं- मंगलबार नेपाली बजारमा सुनचाँदीको मूल्य स्थिर रहेको छ।

आइतबार प्रतितोला १३ सय रूपैयाँले घटेर सोमबार एकसय रूपैयाँले बढेको सुनको मूल्य मंगलबार भने स्थिर रहेको हो।

मंगलबार छापावाल सुन प्रतितोला एक लाख ४६ हजार ३ सय रूपैयाँमा कारोबार भइरहेको छ भने तेजाबी सुनको मूल्य प्रतितोला एक लाख ४५ हजार ६ सय रूपैयाँ कायम छ। सुन सोमबार पनि सोही मूल्यमा कारोबार भएको थियो।