काठमाडौं- लगातार उकालो लागिरहेको सुनको मूल्य मंगलबार हालसम्मकै उच्च कायम भएको छ।
यो साता आइतबार स्थिर रहेर सोमबार हालसम्मकै उच्च कायम भएको सुनको मूल्य मंगलबार एकैदिन प्रतितोला ९ सय रूपैयाँले बढेर कीर्तिमानी बिन्दुमा पुगेको हो। मंगलबार सुन प्रतितोला एक लाख ४७ हजार रूपैयाँ नाघेको छ।
मंगलबारका लागि नेपाली बजारमा छापावाल सुनको मूल्य प्रतितोला एक लाख ४७ हजार ८ सय रूपैयाँ तोकिएको छ भने तेजाबी सुन प्रतितोला एक लाख ४७ हजार एकसय रूपैयाँमा कारोबार भइरहेको छ।
सोमबार सुन एक लाख ४६ हजार ९ सय रूपैयाँमा कारोबार भएको थियो।
आइतबार घटेर सोमबार सामान्य बढेको चाँदीको मूल्य भने मंगलबार पुन: ओरालो लागेको छ।
मंगलबार चाँदी तोलामा १० रूपैयाँले घटेर प्रतितोला एक हजार ८ सय ७५ रूपैयाँमा कारोबार भइरहेको छ।
