काठमाडौं- सुनको मूल्य तोलामा दुईसयले बढेर हालसम्मकै उच्च प्रतितोला एक लाख ४६ हजार ९ सय रूपैयाँ पुगेको छ।

गएको शुक्रबार रेकर्ड बिन्दुमा पुगेर आइतबार स्थिर रहेको सुनको मूल्यले सोमबार पुन: कीर्तिमान कायम गरेको हो।

सोमबार तेजाबी सुन प्रतितोला एक लाख ४६ हजार दुईसय रूपैयाँमा कारोबार भइरहेको छ।

गत शुक्रबार सुन तोलामा एक हजार ८ सय रूपैयाँले बढेर प्रतितोला १ लाख ४६ हजार ७ सय रूपैयाँ कायम थियो।

आइतबार घटेको चाँदीको मूल्य पनि सोमबार सामान्य बढेको नेपाल सुनचाँदी व्यवसायी महासंघले जनाएको छ।

सोमबार चाँदी तोलामा १० रूपैयाँले बढेर प्रतितोला प्रतितोला एक हजार ८ सय ८५ रूपैयाँमा कारोबार भइरहेको छ।