काठमाडौं- यो साता बुधबार स्थिर रहेको सुनको मूल्य बिहीबार भने प्रतितोला ८ सय रूपैयाँले बढेको छ।

बिहीबारका लागि छापावाल सुनको मूल्य प्रतितोला एक लाख ४४ हजार ९ सय रूपैयाँ तोकिएको छ भने तेजाबी सुनको मूल्य प्रतितोला एक लाख ४४ हजार दुईसय रूपैयाँ कायम रहेको छ।

बुधबार सुन प्रतितोला एक लाख ४४ हजार एकसय रूपैयाँमा कारोबार भएको थियो।

बुधबार प्रतितोला १५ रूपैयाँले घटेको चाँदीको मूल्य पनि बिहीबार प्रतितोला १५ रूपैयाँले बढेको छ।

आज चाँदी प्रतितोला एक हजार ८ सय ८५ रूपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ।