काठमाडौं- यो साता सुनको मूल्य लगातार बढिरहेको छ। आइतबार र सोमबार प्रतितोला दुई-दुई सय रूपैयाँले बढेको सुनको मूल्यमा मंगलबार पनि सामान्य वृद्धि भएको नेपाल सुनचाँदी व्यवसायी महासंघले जनाएको छ।

प्रतितोला एकसय रूपैयाँले बढेर मंगलबार छापावाल सुनको मूल्य प्रतितोला एक लाख ४२ हजार तीनसय रूपैयाँ पुगेको छ भने तेजाबी सुनको मूल्य प्रतितोला एक लाख ४१ हजार ६ सय कायम रहेको छ।

सुन सोमबार प्रतितोला एक लाख ४२ हजार दुईसय रूपैयाँमा कारोबार भएको थियो।

आइतबार र सोमबार स्थिर रहेको चाँदीको मूल्य पनि मंगलबार सामान्य बढेको छ।

आइतबार र सोमबार प्रतितोला एक हजार ७ सय ९० रूपैयाँमा कारोबार भएको चाँदीको मूल्य मंगलबार तोलामा १५ रूपैयाँले बढेर प्रतितोला एक हजार ८ सय पाँच रूपैयाँ पुगेको छ।