काठमाडौं- सन् २०२४ को जनवरीदेखि जुनसम्ममा ५ लाख ८३ हजार १६ पर्यटकले नेपाल भ्रमण गरेका छन्।
अध्यागमन विभागमार्फत पर्यटन बोर्डबाट जारी भएको तथ्यांकअनुसार सन् २०२४ को ६ महिनमा ५ लाख ८३ हजार १६ पर्यटकले नेपाल भ्रमण गरेका हुन्।
सन् २०२४ को जुन महिनामा ७६ हजार ७ सय ३६ विदेशी पर्यटक नेपाल भ्रमणमा आएका छन्। यो संख्या सन् २०२३ को सोही अवधिको भन्दा बढी हो। २०२३ को जुनमा ७२ हजार २ सय ५० जना पर्यटक नेपाल भ्रमणका आएका थिए।
जुनमा सबैभन्दा बढी पर्यटक भारतबाट आएका छन्। ३७ हजार ८ सय ३५ जना पर्यटक भारतबाट नेपाल भ्रमणका आएका छन्। जुन संख्या २०२३ को भन्दा कम हो। सन् २०२३ को जुनमा ३८ हजार ८ सय ४५ जना भारतीय पर्यटक नेपाल भ्रमणका आएका थिए।
यसैगरी जुनमा चीनबाट ७ हजार ४ सय ९४ जना र अमेरिकाबाट ८ हजार २ सय ८१ जना पर्यटक नेपाल भ्रमणमा आएका छन्।
यसअघि मे महिनामा ९० हजार २ सय ११ विदेशी पर्यटक नेपाल भ्रमणमा आएका थिए। गएको मे महिनामा सबैभन्दा बढी ३८ हजार २ सय ८८ पर्यटक भारतबाट आएका छन्। अमेरिकाबाट ८ हजार ५ सय २७ र चीनबाट ८ हजार ३ सय ८१ पर्यटक नेपाल आएका छन्।
कुन महिना कति?
जुन - ७६७३६
मे -९०२११
अप्रिल - १११३७६
मार्च - १२८१६७
फेब्रुअरी - ९७४२६
जनवरी - ७९१००
