काठमाडौं- सुनको मूल्य यो साता लगातार दोस्रो दिन पनि उकालो लागिरहँदा चाँदीको मूल्य भने स्थिर छ।
आइतबार प्रतितोला दुईसय रूपैयाँले बढेको सुनको मूल्य आज पनि प्रतितोला दुईसय रूपैयाँले वृद्धि भएको छ। आज सुन प्रतितोला एक लाख ४२ हजार दुईसय रूपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ।
महासंघका अनुसार तेजाबी सुनको मूल्य आज प्रतितोला एक लाख ४१ हजार पाँचसय रूपैयाँ तोकिएको छ।
सुन आइतबार प्रतितोला एक लाख ४२ हजार रूपैयाँमा कारोबार भएको थियो।
आइतबार स्थिर रहेको चाँदीको मूल्यमा भने सोमबार पनि कुनै परिवर्तन आएको छैन।
आइतबार प्रतितोला एक हजार ७ सय ९० रूपैयाँ मूल्य कायम भएको चाँदी सोमबार पनि सोही मूल्यमा कारोबार भइरहेको छ।
