काठमाडौं- चिनियाँ अटोमोबाइल ब्राण्ड जीएसी मोटर्सले नेपाली बजारमा आफ्नो आधिकारिक बिक्रेता सीजी मोटर्समार्फत प्रवेश गरेको छ।
उच्च गुणस्तर, नवप्रवर्तन, र अत्याधुनिक प्रविधिको लागि परिचित जीएसी मोटर्सले आफ्नो नयाँ आयोन वाई एसयूभीको नेपाली बजारमा भव्य लञ्च गर्दै आफ्नो उपस्थितिलाई विस्तार गरेको छ।
जीएसी मोटर्स चीनको अटोमोबाइल ब्राण्ड गुणस्तरमा नम्बर १ मानिएको, अनुसन्धान र विकास, र प्रविधिमा संसारभर प्रसिद्ध रहेको दाबी कम्पनीले गरेको छ। ब्राण्डले यूएईमा 'उत्तम चिनियाँ अटोमोबाइल ब्राण्ड' र नाइजेरियामा 'अटोमोबाइल इन्टरप्राइज अफ द इयर' जस्ता धेरै अन्तर्राष्ट्रिय पुरस्कारहरू प्राप्त गरेर आफ्नो प्रतिष्ठा स्थापित गरेको छ।
अब जीएसी मोटर्सले आयान वाईमार्फत नेपाली बजारमा ड्राइभिङ अनुभवमा परिवर्तन ल्याउन तयारी गरेको छ र ग्राहक सन्तुष्टिलाई पहिलो प्राथमिकतामा राखेर नेपाली ग्राहकहरूको मन जित्ने विश्वास गरेको कम्पनीले जनाएको छ।
जीएसी मोटर्सले नेपाली बजारमा नयाँ मापदण्डहरू स्थापित गरी ड्राइभिङ अनुभवलाई नयाँ उचाइमा पुर्याउने छ। अत्याधुनिक प्रविधि र विशेषताहरूले भरिपूर्ण आयोन वाईले नेपाली बजारमा नयाँ युगको सुरुवात गर्ने दाबी सीजी मोटर्सले गरेको छ।
