काठमाडौं- अख्तियार दुरुपयोग अनुसन्धान आयोगले भ्रष्टाचारको अभियोगमा विशेष अदालतमा मुद्दा दायर गरेसँगै निलम्बनमा परेका मुख्यसचिव वैकुण्ठ अर्याललाई सरकारले विशेष पद सिर्जना गरेर योजना आयोगमा जगेडामा सरुवा गरेको छ।
आज बिहान बसेको मन्त्रिपरिषदको आकस्मिक बैठकले अर्याललाई जगेडामा पठाउँदै प्रधानमन्त्री तथा मन्त्रिपरिषदको कार्यालयमा रहेकी वरिष्ठ सचिव लीलादेवी गड्तौलालाई निमित्त मुख्यसचिवको जिम्मेवारी दिने निर्णय गरेको सञ्चार तथा सूचना प्रविधिमन्त्री रेखा शर्माले जानकारी दिएकी छिन्।
मुख्यसचिव निलम्बनमा परेको र उनले राजीनामा नदिएको अवस्थामा सरकारले गड्तौलालाई नै निमित्तको जिम्मेवारी दिएको हो।
कामु मुख्यसचिवकै लागि पनि सचिवहरूबीचमा तीव्र लविङ चलिरहेको छ।
*शीर्षक सच्याइएको
