काठमाडौं- आइतबार नेपाली बजारमा सुनको मूल्यमा भारी गिरावट आएको छ। गएको शुक्रबारको तुलनामा सुनको मूल्य यो साताको पहिलो दिन आइतबार प्रतितोला दुई हजार सातसय रूपैयाँले घटेको हो।
आइतबार छापावाल सुनको मूल्य प्रतितोला एक लाख ४२ हजार रूपैयाँ तोकिएको छ भने तेजाबी सुनको मूल्य प्रतितोला एक लाख ४१ हजार ३ सय रूपैयाँ कायम रहेको नेपाल सुनचाँदी व्यवसायी महासंघले जनाएको छ।
चाँदीको मूल्य पनि आइतबार प्रतितोला ५० रूपैयाँले घटेको छ।
महासंघका अनुसार चाँदी आज प्रतितोला एक हजार ८ सय १५ रूपैयाँमा कारोबार भइरहेको छ।
