पोखरा- पोखरास्थित रानीवन रिट्रिट रिसोर्टले वर्षायामको समयमा ५० प्रतिशतसम्म छुटसहितको आकर्षक अफर सार्वजनिक गरेको छ।
'आकर्षक मनसुन मार्वल प्याकेज रानीवन रिट्रिट' नाम दिएर यस होटलले जेठ, असार र साउनका लागि विशेष छुट प्याकेज ल्याएको हो।
यस होटलले सोमबारदेखि बिहीबारसम्मका लागि ५० प्रतिशत छुटसहित ६ हजार रुपैयाँमा कोठा उपलब्ध गराउने भएको छ। शनिबार र आइतबार यस होटलमा बस्न चाहाने ग्राहकले २५ प्रतिशत छुटसहित ९ हजार रुपैयाँमा कोठा प्राप्त गर्न सक्ने छन्।
कोठासँगै होटलले आवगमन दिनमा अतिरिक्त स्न्याक समेत उपलब्ध गराउने जनाएको छ। आगामी तीन महिनामा होटलले खानामा १५ प्रतिशत र पेयपदार्थमा १० प्रतिशत छुट दिने घोषणा गरेको छ।
यस होटलले ८ वटा नयाँ प्रिमियम कोठाहरु र नयाँ स्वमिङ पुल थप गरेको जनाएको छ। उक्त स्वमिङ पुलबाट अन्नपूर्ण हिमाल र फेवा तालको मनोरम दृश्य अवलोकन गर्न सकिने होटलले जनाएको छ।
यसका साथै यस होटलले हाउस आयुर्वेदिक स्पा र बहुप्रयोजन सहितको योगा स्टुडियो निकट भविष्यमा संचालनमा ल्याउने तयारी गरेको छ।
