काठमाडौं- यो साता आइतबार प्रतितोला एक हजार ६ सय रूपैयाँले बढेर सोमबार प्रतितोला ६ सय रूपैयाँले घटेको सुनको मूल्य मंगलबार भने स्थिर रहेको छ। मंगलबार सुनको मूल्य प्रतितोला एक लाख ४२ हजार २ सय रूपैयाँ कायम छ।

सोमबार प्रतितोला एक लाख ४१ हजार पाँचसय रूपैयाँ तोकिएको तेजाबी सुन आज पनि सोही मूल्यमा कारोबार भइरहेको छ।

आइतबार सुनको मूल्य प्रतितोला एक लाख ४२ हजार ८ सय रूपैयाँ कायम थियो।

आइतबार प्रतितोला २० रूपैयाँले बढेर सोमबार २० रूपैयाँले घटेको चाँदी मंगलबार भने प्रतितोला १५ रूपैयाँले महँगिएको नेपाल सुनचाँदी व्यवसायी महासंघले जनाएको छ। 

महासंघका अनुसार चाँदी आज प्रतितोला एक हजार ८ सय १५ रूपैयाँमा कारोबार भइरहेको छ। 

चाँदीको मूल्य सोमबार प्रतितोला एक हजार ८ सय र आइतबार प्रतितोला एक हजार ८ सय २० रूपैयाँ तोकिएको थियो।