काठमाडौं- आइतबार प्रतितोला एक हजार ६ सयले बढेको सुनको मूल्य सोमबार प्रतितोला ६ सय रूपैयाँले घटेको छ।
सोमबार छापावाल सुनको मूल्य प्रतितोला एक लाख ४२ हजार २ सय रूपैयाँ तोकिएको छ भने तेजाबी सुनको मूल्य प्रतितोला एक लाख ४१ हजार पाँचसय रूपैयाँ निर्धारण गरिएको नेपाल सुनचाँदी व्यवसायी महासंघले जनाएको छ।
सुन आइतबार एक लाख ४२ हजार ८ सय रूपैयाँमा कारोबार भएको थियो।
आइतबार प्रतितोला २० रूपैयाँले महँगिएको चाँदी पनि सोमबार प्रतितोला २० रूपैयाँले सस्तिएको छ।
महासंघका अनुसार चाँदी आज प्रतितोला एक हजार ८ सय रूपैयाँमा कारोबार भइरहेको छ।
आइतबार चाँदीको मूल्य प्रतितोला एक हजार ८ सय २० रूपैयाँ तोकिएको थियो।
