काठमाडौं- लुम्बिनी प्रदेश सरकारले कृषिमा लाग्ने आयकर घटाएको छ।
प्रदेशसभामा प्रस्तुत भएको आर्थिक ऐन २०८१ अनुसार लुम्बिनीले स्वघोषित ५ लाख रुपैयाँसम्मको आयमा शतप्रतिशत छुट दिने व्यवस्था यथवात नै राखेको छ। यसैगरी ५ देखि १० लाखसम्मको हकमा पहिले २ प्रतिशत रहेकोमा त्यसलाई घटाएर अहिले एक प्रतिशतमा झारिएको छ।
यसैगरी १० देखि १५ लाखको हकमा पहिले ३ प्रतिशत रहेकोमा अहिले २ प्रतिशतमा झारिएको छ। साथै १५ देखि २० लाखको हकमा पहिले ५ प्रतिशत र त्योभन्दा माथि थप २० लाखमा २ प्रतिशत र त्योभन्दा पनि थपमा ३ प्रतिशत थियो। तर अहिले नयाँमा १५ लाख रुपैयाँमाथि सबैमा ३ प्रतिशत बनाइएको छ।
