काठमाडौं- बिहीबार सुनको मूल्य स्थिर रहेको छ भने चाँदीको मूल्यमा सामान्य गिरावट आएको छ।
यो साता आइतबार नेपाली बजारमा सुनको मूल्य प्रतितोला चार हजार रूपैयाँले घटेको थियो। सोमबार र मंगलबार स्थिर रहेर बुधबार प्रतितोला ६ सय रूपैयाँले बढेको सुनको मूल्य बिहीबार पुन: स्थिर बसेको हो।
बिहीबारका लागि छापावाल सुनको मूल्य प्रतितोला एक लाख ४१ हजार ६ सय र तेजाबी सुनको मूल्य प्रतितोला एक लाख ४० हजार ९ सय रूपैयाँ तोकिएको छ। सुन बुधबार पनि सोही मूल्यमा कारोबार भएको थियो।
बुधबार प्रतितोला पाँच रूपैयाँले बढेको चाँदीको मूल्य भने बिहीबार प्रतितोला १० रूपैयाँले घटेको छ।
बिहीबार चाँदी प्रतितोला एक हजार ८ सय १० रूपैयाँमा कारोबार भइरहेको छ।
यो साता चाँदीको मूल्य आइतबार प्रतितोला ७५ रूपैयाँले घटेर सोमबार स्थिर रही मंगलबार पुन: प्रतितोला १५ रूपैयाँले घटेको थियो। बुधबार भने चाँदीको मूल्य प्रतितोला पाँच रूपैयाँले बढेको थियो।
बुधबार चाँदी प्रतितोला एक हजार एक हजार ८ सय २० रूपैयाँमा कारोबार भएको थियो।
