काठमाडौं- बुधबार नेपाली बजारमा सुनको मूल्य प्रतितोला ६ सय रूपैयाँले बढेको छ।
यो साता आइतबार प्रतितोला चार हजार रूपैयाँले घटेर सोमबार र मंगलबार स्थिर रहेको सुनको मूल्य बुधबार पुन: उकालो लागेर प्रतितोला एक लाख ४१ हजार ६ सय रूपैयाँ पुगेको छ।
बुधबारका लागि तेजाबी सुनको मूल्य प्रतितोला एक लाख ४० हजार ९ सय रूपैयाँ तोकिएको छ।
आइतबार प्रतितोला ७५ रूपैयाँले घटेर सोमबार स्थिर रही मंगलबार पुन: प्रतितोला १५ रूपैयाँले घटेको चाँदीको मूल्य भने बुधबार प्रतितोला पाँच रूपैयाँले बढेको नेपाल सुनचाँदी व्यवसायी महासंघले जनाएको छ।
महासंघका अनुसार चाँदी आज प्रतितोला एक हजार ८ सय २० रूपैयाँमा कारोबार भइरहेको छ।
