काठमाडौं- मंगलबार नेपाली बजारमा सुनको मूल्य स्थिर रहेको छ भने चाँदीको मूल्य सामान्य घटेको छ।

यो साता आइतबार एकैदिन प्रतितोला चार हजार रूपैयाँले घटेर सोमबार स्थिर रहेको सुनको मूल्यमा मंगलबार पनि कुनै घटबढ नभएको नेपाल सुनचाँदी व्यवसायी महासंघले जनाएको छ।

महासंघका अनुसार मंगलबारका लागि छापावाल सुनको मूल्य प्रतितोला एक लाख ४१ हजार र तेजाबी सुनको मूल्य प्रतितोला एक लाख ४० हजार तीनसय रूपैयाँ तोकिएको छ। सुन आइतबार र सोमबार पनि सोही मूल्यमा कारोबार भएको थियो।

आइतबार प्रतितोला ७५ रूपैयाँले घटेर सोमबार स्थिर रहेको चाँदीको मूल्य भने आज प्रतितोला १५ रूपैयाँले घटेको छ।

चाँदी आज प्रतितोला एक हजार ८ सय १५ रूपैयाँमा कारोबार भइरहेको छ।