काठमाडौं- चालु आर्थिक वर्षको बैशाख महिनामा १ खर्ब १६ अर्ब रुपैयाँबराबर रेमिट्यान्स भित्रिएको छ।
चालु आवमा चैत मसान्तसम्ममा १० खर्ब ८२ अर्ब ६२ करोड रुपैयाँ भित्रिएको थियो। बैशाख महिनासम्ममा १९.२ प्रतिशतले बढ्दै ११ खर्ब ९८ अर्ब ६० करोड रुपैयाँ रेमिट्यान्स भित्रिएको हो।
अमेरिकी डलरमा भने १७.१ प्रतिशतले बढ्दै ९ अर्ब २ करोड डलर रेमिट्यान्स भित्रिएको राष्ट्र बैंकले जनाएको छ।
यस अवधिमा वैदेशिक रोजगारीका लागि अन्तिम श्रम स्वीकृति लिनेको संख्या ३ लाख ७४ हजार ८ सय ८७ पुगेको छ भने २ लाख ३७ हजार ८ सय ९३ ले पुन: श्रम स्वीकृति लिएका छन्।
गत आर्थिक वर्षको तुलनामा अन्तिम श्रम स्वीकृति लिने र पुन:श्रम स्वीकृत लिनेको संख्यामा कमी आएको छ। गत वर्षको यस अवधिमा अन्तिम श्रम स्वीकृति लिनेको संख्या ४ लाख २१ हजार २ सय ७९ र पुन: श्रम स्वीकृति लिनेको संख्या २ लाख ३८ हजार ९ सय ७६ रहेको थियो।
