काठमाडौं- सोमबार नेपाली बजारमा सुनको मूल्य प्रतितोला एक हजार रूपैयाँले घटेको छ।
गएको साता शुक्रबार हालसम्मकै उच्च प्रतितोला एक लाख ४२ हजार दुईसय रूपैयाँ पुगेर आइतबार प्रतितोला दुईसय रूपैयाँले ओरालो लागेको सुनको मूल्य सोमबार पनि घटेको हो।
सोमबारका लागि छापावाल सुनको मूल्य प्रतितोला एक लाख ४१ हजार रूपैयाँ तोकिएको छ भने तेजाबी सुनको मूल्य प्रतितोला एक लाख ४० हजार ३ सय रूपैयाँ कायम रहेको नेपाल सुनचाँदी व्यवसायी महासंघले जनाएको छ।
चाँदीको मूल्य पनि आज प्रतितोला १५ रूपैयाँले घटेको छ। महासंघका अनुसार चाँदी आज प्रतितोला एक हजार ८ सय ३५ रूपैयाँमा कारोबार भइरहेको छ।
